Bayraqları bayraq edən üstündəki qandır!
Aprel döyüşlərinin ikinci ildönümü ilə əlaqədar məktəbimizdə vətənpərvərlik ruhunda bir sıra tədbirlər keçirildi.Belə ki, bütün siniflərdə sinif rəhbərləri və fənn müəllimlərinin iştirakı ilə sinif təşkilat saatları təşkil olundu.Ayrı-ayrı siniflərdə dəyirmi masalar,şagirdlər arasında vətənpərvərlik mövzusunda şeir və inşa yazı müsabiqəsi keçirildi.
Məktəbin hərbi rəhbəri İslam Əzimov 10-11-ci sinif şagirdləri ilə aprel döyüşləri haqqında ətraflı müzakirələr apardı,qazandığımız zəfərdən,düşmənin verdiyi itkilərdən,həmçinin 4 günlük döyüşdə qəhrəmancasına həlak olmuş igid oğullarımızdan,şəhidlərimizin döyüş tarixçəsindən çox dəqiq məlumatları nəzərə çatdırdı.
Şagirdlərimiz məktəbin foyesində divardan asılmış və aprel döyüşlərini əks etdirən sərlövhəyə bir daha nəzər saldılar və ordakı məlumatlarla yaxından tanış oldular.
Aprel döyüşlərinin ikinci ildönümü ilə əlaqədar keçirilən tədbirlərdə sinif rəhbəri Səlimə Bəkirova,təşkilatçı müavin Ülviyyə Məmmədova,UBR Aysel Tahirova və hazırda məktəbimizdə təcrübə keçən ADPU-nin biologiya fakültəsinin tələbələri yaxından iştirak etdilər.Şagirdlərin nəzərinə çatdırıldı ki,aprel döyüşləri tariximizin şanlı səhifəsidir.
Allah şəhid olmuş bütün soydaşlarımıza rəhmət eləsin!
