Beynəlxalq Qadınlar Günü qeyd edildi
Beynəlxalq Qadınlar Günü - hər il 8 mart tarixində qeyd olunan Beynəlxalq İşçi Qadınlar Günü olaraq da tanınan qadınların iqtisadi, ictimai və siyasi mübarizəsini, habelə ümumi olaraq qadınlara qarşı nəzakət, sevgi və məhəbbəti tərənnümünü ənənəvi hala gətirmiş bayram.Bu bayram hər il olduğu kimi bu il də məktəbimizdə yüksək səviyyədə qeyd edildi.Məktəbimizin 7”D” sinif şagirdləri və sinif rəhbəri Vüsalə Quliyevanın rəhbərliyi ilə təşkil olunmuş tədbirdə məktəbimizin müəllim və şagird kollektivi,həmçinin təcrübəçi tələbələr iştirak etdi.
Tədbirdə qadına olan məhəbbət və sevgi əsasən “Ana” və “Müəllim” timsalında daha qabarıq ifadə olundu.Şagirdlər qadınları vəsf edən müxtəlif şeir nümunələri təqdim etdilər.Musiqi nömrələri və fləşmob xüsusilə marağa səbəb oldu.Sonda məktəbin direktoru Akif Əliyev bütün qadın müəllimlərə və şagirdlərə səmimi təbriklərini bildirdi.
Biz də öz növbəmizdə bütün Azərbaycan xanımlarını,analarını təbrik edir,onlara can sağlığı,işlərində uğurlar diləyirik.
