Dünya Azərbaycanlılarının Həmrəyliyi Günü qeyd edildi
Məktəbimizdə 31 dekabr-Dünya Azərbaycanlılarının Həmrəyliyi Günü və Yeni il münasibətilə tədbir keçirildi.
Məktəbin direktoru Akif Əliyev tədbirə dəvət olunan qonaqlarla birgə məktəbin girişində təşkil olunmuş rəsm sərgisinə tamaşa edib,müxtəlif sahələrdə nailiyyətlər qazanmış şagirdlərlə söhbət etdilər.Daha sonra tədbirin bədii hissəsi başlandı.
Tədbir Dövlət himninin oxunması ilə açıq elan edildi.Tədbirin gedişatı boyunca şagirdlər bir-birindən maraqlı səhnəciklər göstərdi,rəqs nümunələri nümayiş etdirdilər.
9”D” sinfinin şagirdlərinin oynadığı fləşmob rəqsi gurultulu alqışlara səbəb oldu.
İbtidai sinif şagirdləri-3”E” sinfi yeni illə bağlı təbriklərini özünəməxsus şəkildə təqdim etdilər.Şaxta baba və Qar qız tədbiri daha da rəngarəng etdilər.
Tədbirin sonunda məktəbimizin direktoru və təşrif buyuran qonaqlar bayram təbriklərini dilə gətirdilər.
Ümumilikdə tədbir baxımlılığı və məzmunluluğu ilə zalda əyləşən hər kəsin xoşuna gəldi.
Tədbirdə əziyyəti keçən hər kəsə,xüsusilə təşkilatçı müavin Ülviyyə Məmmədovaya,ibtidai sinif müəllimi Mətanət Nəcəfovaya, UBT rəhbəri Tahirova Ayselə və iştirakçı şagirdlərimizə təşəkkür edirik.
