M.Hüseynzadənin doğum günü qeyd edildi
Dekabrın 22-də məktəbimizdə Sovet İttifaqı Qəhrəmanı Mehdi Hüseynzadənin doğum günü qeyd edildi.
Azərbaycan xalqının cəsur oğlu Mixaylo kimi tanınan Mehdi Hənifə oğlu Hüseynzadə 22 dekabr 1918-ci ildə Bakının Novxanı kəndində anadan olmuşdur.Hər il olduğu kimi bu il də qəhrəmanın doğum günü adını daşıdığı 19 nömrəli məktəbdə təntənə ilə keçirildi.Məktəbin şagirdləri əvvəlcə M.Hüseynzadənin şərəfli ömür yolundan danışdı,keçdiyi hərb səhnəsindən maraqlı və qürurverici faktları nəzərə çatdırdılar.Şagirdlərin ifasında vətənpərvərlik mövzusunda şeirlər dinlənildi.Daha sonra şagirdlər M.Hüseynzadə üçün xüsusi yaradılmış guşəni və məktəbin həyətində qoyulmuş büstü ziyarət etdilər.Şagirdlər Sovet İttifaqı Qəhrəmanı,Böyük Vətən müharibəsi illərində rəşadət göstərmiş M.Hüseynzadənin büstü önünə gül dəstələri qoydu,bir daha şagirdlər təhsil aldıqları məktəbin qəhrəmanın adını daşıdığı üçün qurur duyduqlarını dilə gətirdilər.
