Uşaq hüquqları aylığı çərçivəsində məktəbimizdə sərgi keçirildi.
Oktyabr ayından başlayaraq bütün siniflərdən istedadlı şagirdlərin,həmçinin rəsm bacarığı olan uşaqların əl işləri toplanmağa başlandı.Noyabr ayının 13-də məktəbin girişində toplanmış ən yaxşı əl işləri və rəsm nümunələrindən ibarət"Dünya Uşaqların Gözü ilə"başlığı altında sərgi təşkil olundu.Şərgi məktəb kollektivinin böyük marağına səbəb oldu.Ev təhsilli,hərəkət məhdudluğu olan,lakin çox istedadlı şagirdimiz,5-ci sinif şagirdi Tağıyeva Şəfəq əl işlərini sərgidə görüb çox sevindi.Əlbəttə belə istedadlı şagirdlərin yüksək qayğı və diqqətlə əhatə olunması həm onların,həm də bizim sevincimizə səbəb olur. Sərgi 3 gün məktəb kollektivinə nümayiş etdiriləcəkdir.Məktəb rəhbərliyinin təşəbbüsü ilə əl işləri və rəsm nümunələri daha çox marağa səbəb olan uşaqlar mükafatlandırılacaqdır.Şagirdlərimizə gələcək sərgilərdə uğurlar arzu edirik.
