Gözəllik və həqiqət şairi – Molla Pənah Vaqif
“Böyük Azərbaycan şairi Molla Pənah Vaqifin 300 illik yubileyinin keçirilməsi haqqında” Azərbaycan Respublikası Təhsil nazirinin əmrinin icrasının təmin etmək məqsədilə hazırlanmış tədbirlər planı çərçivəsində iyun ayının 2-də görkəmli Azərbaycan şairi Molla Pənah Vaqifin 300 illik yubileyinə həsr olunmuş ədəbi-bədii gecə keçirilmişdir. Tədbirdə məktəbin müxtəlif sinif şagirdləri şairin həyat və yaradıcılığı ilə bağlı əsas məlumatları çatdırmış,şairin qəzəlləri, şeirləri dinlənilmiş, sözlərinə yazılmış mahnılar ifa edilmişdir. Şagirdlərin şairin yaradıcılığını əks etdirən əl işləri nümayiş etdirilmişdir. Ən maraqlı məqam isə Səməd Vurğunun “Vaqif” pyesindən bir parçanın şagirdlərin ifasında təqdim olunması, “Şah Qacar və Vaqif” qarşılaşmasının gurultulu alqışlara qarşılanması olmuşdur. Tədbirin sonunda məktəb direktoru Akif Əliyev çıxış edərək tədbirin təşkilatçılarına, iştirakçılara təşəkkür etmiş, yubiley çərçivəsində tədbirlərin davam etdiriləcəyini bildirmişdir.
