Biz birlikdə güclüyük!
“Yaşıl dünya naminə həmrəylik ili” ilə əlaqədar məktəbin fəaliyyət planına uyğun olaraq keçən tədris ilindən etibarən “Yaşıl məktəb” layihəsi tətbiq olunmaqdadır. Layihənin bu dəfəki iştirakçıları 5 “A” sinfidir.
5 “A” sinfinin şagirdləri və bir qrup valideynin iştirakı ilə sinif rəhbəri Gülşən Mikayılovanın rəhbərliyi altında məktəbin həyətyanı sahəsinə gül şitilləri əkilib. Daha sonra 5 “A” sinif şagirdlərinin təhsil aldığı sinif otağına dibçək bitkiləri yerləşdirilib.
Layihə çərçivəsində təşkil edilən tədbirdə şagirdlərin dünyanı sülhə, birliyə, ətraf mühiti qorumağa səsləyən təqdimatları nümayiş etdirilib.
