Xocalı faciəsi bizim qan yaddaşımızdır
Məktəbimizdə Xocalı soyqırımının 25 illiyi ilə bağlı tədbir keçirilmişdir. Tədbirin giriş sözü ilə məktəbin direktoru Əliyev Akif açmış, faciə qurbanlarının xatirəsi bir dəqiqəlik sükutla yad edilmişdir. Məktəbin ingilis dili müəllimi və 9a sinifinin rəhbəri Sitarə Mövsümovanın hazırladığı ssenari əsasında təşkil olunmuş tədbirin hazırlanmasında dərnək rəhbəri Təranə Kazımovanın da böyük zəhməti olmuşdur. Tədbirdə Xocalı soyqırımına aid erməni işğaçılarının vəhşiliklərini əks etdirən filmlərdən fraqmentlər nümayiş etdirilmiş, şeirlər söylənilmiş, “Sarı gəlin”, “Gəl ey səhər” mahnıları ifa olunmuş,kiçik səhnəciklər təqdim olunmuşdur. Şagirdlərdən Zeynəb Hüseynzadə, Nərmin Qurbanova, Günay Osmanova, Musa Əliyev, Rüfət Mirzəyev, Aytac Cabbarova, Rəvanə Əliyeva və başqaları tədbirdə fərqlənmişlər.
