Ulu Öndər Heydər Əliyevin anım günü keçirlmişdir
Məktəbin akt zalında Ulu Öndər, Ümummilli lider Heydər Əliyevin anım günü ilə əlaqədar ədəbi-bədii gecə keçirilmişdir. Tədbiri məktəbin direktoru Akif Əliyev açaraq qısa giriş nitqi söyləmiş, Ulu Öndərin xatirəsi bir dəqiqəlik sükutla yad edilmişdir. Məktəbin Azərbaycan dili və ədəbiyyat müəllimi Sevda Tağızadə, kitabxana müdiri Sevinc Hüseynova və məktəbdə fəaliyyət göstərən diyarşünaslıq dərnəyinin rəhbəri Təranə Kazımovanın köməyi ilə şagirdlərin hazırladıqları kompozisiyalar nümayiş etdirilmiş, şeirlər söylənilmişdir. Tədbirdə həmçinin, Ulu Öndərin keçdiyi həyat yolundan bəhs edən video çarxlar nümayiş etdirilmişdir.
