"Uşaq hüquqları aylığı" çərçivəsində tədbir keçirilmişdir
19 nömrəli tam orta məktəbdə BMT-nin Uşaq Hüquqları Konvensiyasının qəbul edilməsinin ildönümü ilə əlaqədar "Uşaq hüquqları aylığı" çərçivəsində bir sıra tədbirlər keçirilmişdir. "Dünya uşaqların gözü ilə" rəsm müsabiqəsində şagirdlər əl işlərini təqdim etmişlər. Ayrı-ayrı siniflərdə "Hüquqlarımız, vəzifələrimiz" mövzusunda dəyirmi masalar keçirilmişdir. Aylıq çərçivəsində yekun tədbirdə 6 a sinif şagirdləri sinif rəhbəri Ülviyyə Məmmədovanın köməyi ilə hazırladıqları "Uşaq hüquqları ilə bağlı məlumatlar" adlı slaydları təqdim etmişlər. Tədbirdə məktəbin direktoru Akif Əliyev, direktor müavini Kəmalə Piriyeva, məktəbin psixoloqu Rəna Abdullayeva, həkim Nəzakət Ağayeva çıxış etmiş, şagirdləri maraqlandıran suallara cavab vermişlər. Tədbir rəsm müsabiqəsi qaliblərinin əl işləri sərgisinə baxışla yekunlaşmışdır.
