Qaliblər mükafatlandırıldılar
Azərbaycan xalqının Ümummilli lideri Heydər Əliyevin anadan olmasının 92-ci ildönümünə həsr edilmiş şahmat yarışında M.Hüseynzadə adına 19 nömrəli tam orta məktəbin şagirdləri də iştirak etmişlər. Yarışın rayon turu 1 nömrəli İxtisaslaşdırılmış Olimpiya Ehtiyatları Uşaq Gənlər İdman Məktəbində keçirilmişdir. Yarışın məktəb turunun qaliblərinə və rayon turunda yaxşı nailiyyətlər əldə edən 6 nəfər şagirdə- 3-cü sinif şagirdləri Aslanova Vəfa, Əlirzayev Namiq, Hüseynova Nərmin, Aslanov Vəliyəddin, 4-cü sinif şagirdləri Yusifov İsa, Məlikova Şəhribanuya 10 aprel 2015-ci ildə məktəb rəhbərliyi tərəfindən fəxri fərman təqdim edilmişdir. Məktəbin direktoru təqdimetmə mərasimində balaca şahmatçılara daha böyük uğurlar arzulamışdır. Sonda xatirə şəkilləri çəkilmişdir.
