19 nömrəli tam orta məktəbdə “Bilik günü” bayramı
Nəsimi rayonundakı M.Hüseynzadə adına 19N-li tam orta məktəbdə də ilk dərs günü şənliklə başlanmışdır.Yeni tədris ilinin başlanması münasibətilə məktəbin direktoru Akif Əliyev bütün kollektivi, şagird və onların valideynlərini, məktəbə ilk dəfə qədəm basan birinciləri təbrik etmişdir. Bu il ali məktəbə yüksək balla qəbul olunan məzunlar Şəfa Novruzova, Səbuhi İbrahimli,Aytən Mirzəyeva, onların valideynləri, eləcə də Nəsimi Rayon İcra Hakimiyyətinin əməkdaşı Rauf İsgəndərov təbrik nitqi söyləmişdır. Gənc nəslin təlim-tərbiyəsində fərqlənən müəllimlərdən Elmira Əhədova, Səyyarə Qaracayeva, Pəri Abdullayeva Azərbaycan Təhsil İşçiləri Azad Həmkarlar İttifaqı Nəsimi rayon Komitəsinin fəxri fərmanları ilə təltif olundular. Sonda qonaqlar məktəbin İKT avadanlıqları ilə tam təchiz edilmiş linqafon, hərbi hazırlıq kabinetlərində, “Sağlam təhsil” sinif otağında birincilər üçün yaradılmış şəraitlə tanış olmuşlar.
