Görkəmli elm xadimi Lütfi Zadə
Görkəmli elm xadimi Lütfi Zadənin 100 illik yubileyi ilə əlaqədar məktəbin riyaziyyat və informatika müəllimi Təbəssüm Zamanova 16 – 19 may tarixlərində V – VIII sinif şagirdləri üçün açıq dərslər təşkil etdi. Lütfi Zadənin həyat və elmi yaradıcılığına həsr olunmuş açıq dərslərdə görkəmli alimin dünya elminə verdiyi əvəzsiz töhvələrdən danışıldı, onun banisi olduğu qeyri – səlis məntiq nəzəriyyəsindən bəhs edildi.
Şərəfli və sadə bir ömür yolu keçmiş bu dahi azərbaycanlı alimin intellektual texnologiyalara güclü təsiri olmuş elmi nəzəriyyələri haqqında nümayiş olunan təqdimatlar şagirdlərin geniş marağına səbəb oldu. Həmçinin şagirdləri düşündürən suallar ətraflı cavablandırıldı.
