Ulu Öndər Heydər Əliyev - 98
Ümummilli Lider Heydər Əliyevin anadan olmasının 98 – ci ildönümü ilə əlaqədar məktəbdə silsilə tədbirlər onlayn qaydada davam etdirilir. May ayının 4, 5 və 6 - sı tarixlərində məktəbin tarix müəllimləri Vəfa Heydərova və Piri Arzu ayrı – ayrı siniflərdə Ulu Öndər Heydər Əliyevə həsr edilmiş xüsusi dərslər təşkil etdilər.
Bu dərslərin tədrisi zamanı tarix müəllimləri tərəfindən Ulu Öndər Heydər Əliyevin həyat və fəaliyyətinin müxtəlif aspektləri geniş təhlil edildi, şagirdlərə dahi şəxsiyyətin siyasi irsi, dövlətçilik fəlsəfəsi, azərbaycançılıq məfkürəsi, xalqımız və dövlətimiz qarşısında misilsiz xidmətləri barədə ətraflı məlumat verildi. Dərslərdə əsasən 8, 9, 10 və 11 – ci sinif şagirdlərinin iştirakı təmin edildi. Dərslərin gedişatı ərzində Ulu Öndərin siyasi fəaliyyətini əks etdirən slaydlar da nümayiş olundu.
