Böyük zəfərin başlanğıcı
2016-cı il aprelin əvvəllərində Azərbaycanın ön xətt mövqeləri Ermənistan silahlı qüvvələri tərəfindən intensiv artilleriya atəşinə məruz qalanda ordumuzun bölmələri əks-həmlə ilə təxribatların qarşısını aldı. Bu, aprel döyüşləri kimi tarixləşdi.
Döyüşlər Azərbaycan Ordusunun qələbəsi ilə nəticələndi.
Bu şanlı tarixi yaşatmaq, aprel şəhidlərini əbədiləşdirmək, ordumuzun qüdrətini təbliğ etmək məqsədilə məktəbdə aprel ayının 2 – də karantin qaydaları gözlənilməklə tədbir təşkil edildi. Məktəbin məzunu, Aprel və Vətən müharibəsində fəal iştirak edərək sonuncu döyüşlərdə qəhrəmancasına şəhid olmuş Rauf Əliyevin stendi qarşısında ibtidai sinif şagirdləri Aprel döyüşləri haqqında ətraflı məlumat verdi, vətənpərvərlik ruhunda şeirlər dedi, kompozisiyalar təqdim etdilər.
