“ Vətən qəhrəmanlarını unutmur”
17 may 2016-cı il tarixdə M.Hüseynzadə adına 19 №li tam orta məktəbdə Bakı şəhəri üzrə Təhsil İdarəsinin təşkilatçılığı ilə “Vətən qəhrəmanlarını unutmur” mövzusunda tədbir keçirilmişdir. Tədbirdə məktəbin müəllim və şagirdləri iştirak etmişlər. Bakı Şəhəri üzrə Təhsil İdarəsinin əməkdaşı Mürsəl Qurbanov qonaqları təqdim etmiş, Azərbaycanın Milli Qəhrəmanları Zabit Quliyev, Bəxtiyar Allahverdiyev, Qarabağ müharibəsi veteranları Novruz İsmiyev, Yusif Qurbanov çıxış edərək öz döyüş yollarından danışmış, şagirdlərin suallarına cavab vermişlər. Sonra məktəbin şagirdləri vətən haqqında mahnı oxumuş, şeirlər ifa etmişlər. Tədbirin sonunda məktəbin direktoru Akif Əliyev qonaqlara təşəkkürünü bildirmiş, xatirə şəkilləri çəkilmişdir. Qonaqlar Elşən Uluxanlının hazırladığı “Milli Qəhrəmanlarımız” kitabını məktəbə hədiyyə etmişlər.
