Məzunlarımızın uğurları
2019-2020-ci tədris ilində məktəbi bitirən məzunlarımızın buraxılış və qəbul imtahanlarında yüksək bal toplayaraq ən prestijli ali məktəblərə daxil olmaqları məktəb kollektivini sevindirib. Belə ki, İsmayılzadə Əhməd 684 bal toplayaraq ADNSU -nun İnformasiya Təhlükəsizliyi ixtisası, Osmanov İlkin 626 balla Bakı Dövlət Universitetinin Hüquq ixtisası, Həşimova Günel 605 balla ADNSU-nun İnformasiya Texnologiyaları ixtisası, Piri Murad 585 balla ADNSU -nun Proseslərin Avtomatlaşdırılması ixtisası üzrə ali məktəblərə qəbul olublar.Ümumilikdə sənəd verən məzunlarımızın 70% -dən çoxu tələbə adı qazanmışlar.Bu işdə məktəbin rəhbərliyinin və müəllim kollektivinin böyük zəhməti danılmazdır. Məktəb kollektivi olaraq məzunlarımızın uğurlu nəticələrinə ürəkdən sevinir, onlara yeni-yeni nailiyyətlər arzu edirik. Allahdan dövlətimiz və millətimiz üçün savadlı və bacarıqlı kadrlar, ən əsası isə əsil vətəndaş kimi yetişib inkişaf etmələrini diləyirik.
