Görkəmli həkim, sadə insan
Elə insanlar var ki, onların ömür yolu gələcək nəsillərin həyatına işıq saçır, xalqa tükənməz bir xəzinə bəxş edir. Əlbəttə belə dəyərli insanları hansı şəraitdə oluruqsa olaq, xatırlamaq borcumuzdur. 28 aprel görkəmli oftalmoloq, tibb elmləri doktoru, əməkdar elm xadimi Zərifə Əziz qızı Əliyevanın doğum günüdür.
Məktəbin 1"E" sinif müəllimi Mətanət Nəcəfova #EvdəQal kompaniyasına uyaraq şagirdləri ilə maraqlı bir layihə hazırlayıb. Rəhbərlik etdiyi sinfin şagirdləri görkəmli həkim Zərifə Əliyevanın timsalında bu günkü günümüzdə əsl qəhrəmanlar kimi həyatımızın xilaskarları olan həkimlərimizə müxtəlif səhnəciklər, rollu oyunlar quraraq hörmət və ehtiramlarını bildiriblər. Şagirdlər Azərbaycan həkiminin nə qədər savadlı, mərhəmətli, şəfqətli olduğunu bir daha bəyan ediblər.
Onlar Zərifə Əliyevanın həyat və yaradıcılığına aid esselər yazıb, araşdırmalar apararaq onlayn şəkildə təqdim ediblər. Mətanət müəllimə ayrı - ayrı şagirdlərdən topladığı materialları birləşdirərək videoçarx hazırlayıb, sosial şəbəkələrdə paylaşıb. Bununla da 1"E" sinif şagirdləri unudulmaz şəxsiyyətlərdən olan Zərifə Əliyevanın doğum gününü özlərinə məxsus şəkildə qeyd ediblər.
#EvdəQal
#TəhsildənQalma
