Azadlıq fədailəri
Məktəbdə 7 – 18 yanvar tarixində Qanlı yanvar faciəsinin 30 – cu ildönümü ilə əlaqədar tədbirlər planına uyğun olaraq silsilə tədbirlər təşkil edildi. Həmin tədbirlər silsiləsindən ayın 17 – də məktəbdə toplantı keçirildi. Toplantıda məktəbin müəllim və şagird kollektivi iştirak etdi. Əvvəlcə azadlıq uğrunda canlarını fəda etmiş 20 Yanvar şəhidlərinin əziz xatirəsi bir dəqiqəlik sükutla yad edildi, dövlət himni səsləndirildi.
Məktəbin direktoru, ixtisasca tarixçi Kərim Abidi toplandıda çıxış edərək Qanlı Yanvar hadisələri haqqında ətraflı danışdı. O, xalqımız üçün 20 yanvar gününün tarixi əhəmiyyətini xüsusi vurğuladı.Daha sonra şagirdlərin ifasında kitabxana müdiri Sevinc Hüseynova və təşkilatçı müavinin rəhbərliyi ilə hazırlanan ədəbi – bədii kompozisiyalar təqdim edildi.
Həmçinin məktəbin girişində 20 Yanvar faciəsinə həsr edilmiş foto və rəsm sərgilərindən ibarət guşə yaradıldı. Şagirdlər ənənəvi olaraq həmin güşəni ziyarət etdi, qarşısına tər qərənfillər düzməklə faciə qurbanlarına ehtiramlarını göstərdilər.
