Məktəbdə bayram şənliyi təşkil edildi
Dekabr ayının 29 - da məktəbdə Dünya Azərbaycanlılarının Həmrəylik Günü və Yeni ilə münasibəti ilə bayram tədbiri təşkil edildi. Əvvəlcə tədbirin rəsmi hissəsi dövlət himnin oxunması ilə başlandı və məktəbin direktoru Kərim Abidi cıxış edərək hər kəsi Milli Həmrəylik Günü və Yeni ilin gəlişi münasibəti ilə təbrik etdi. Dünya Azərbaycanlılarının Həmrəylik Gününün tarixi əhəmiyyətini xüsusilə vurğulayan məktəb direktoru bu yolda ümummilli lider Heydər Əliyevin əvəzsiz xidmətlərindən də söhbət açdı.
Daha sonra tədbirin bədii hissəsində tədbirə tamaşa edənlər şagirdlərin ifasında çox maraqlı səhnəciklərin, şən mahnıların, baxımlı kompozisiyaların şahidi oldular. Yeni ilin atributları olan Şaxta baba və Qar qızın səhnəyə gəlişi, onların maraqlı sərgüzəştləri və şagirdləri səmimi təbrikləri tədbiri daha da rəngarəng etdi. Tədbirin sonunda məktəb rəhbərliyi bayramın təşkilatçıları - rus dili müəllimləri Mehparə Həsənova, Səadət Aslanova və Cəmilə Qurbanovaya, o cümlədən iştirakçı şagirdlərə təşəkkür etdilər.
