Cəlil Məmmədquluzadə - 150
Azərbaycan ədəbiyyatının görkəmli nümayəndəsi, böyük yazıçı, dramaturq, publisist və ictimai xadim Cəlil Məmmədquluzadənin anadan olmasının 150 illiyinin qeyd edilməsi ilə əlaqədar məktəbin tədbirlər planına əsasən il ərzində bir sıra silsilə işlər görülmüşdür. Belə ki, dekabr ayının 20 - də məktəbin təşkilatçı müavininin təşəbbüsünə əsasən ədəbiyyat müəllimi Aidə Mirzəyeva, kitabxana müdiri Sevinc Hüseynova və kitabxanaçı Sevinc Süleymanovanın birgə təşkilatçılığı ilə C.Məmmədquluzadənin əsərlərinin müzakirəsinə həsr edilmiş dəyirmi masa keçirildi.
8"A" sinif şagirdlərinin iştirakı ilə keçirilən tədbirdə görkəmli dramaturqun bir - birindən gözəl əsərləri müzakirə mövzusu oldu. Şagirdlər həmçinin millətinin savadlanmasına bütün yaradıcılığı boyunca böyük önəm vermiş dramaturqun məşhur "Poçt qutusu" əsərini səhnələşdirib təqdim etdilər. Maraqlı keçən tədbirin sonunda təşkilatçılar çıxış edərək bir daha Cəlil Məmmədquluzadə kimi dahi ədiblərin əsərlərini oxumağın vacibliyini vurğuladılar və bu işdə kitabxanaçıların məqsədyönlü fəaliyyətini xüsusilə qeyd etdilər.
