Qəhrəmanlar ölmür
Məktəbimiz Sovet İttifaqı Qəhrəmanı Mehdi Hüseynzadənin adını daşıyır. Hər il qəhrəmanın doğum günü məktəbin şagirdləri tərəfindən xatırlanır və qeyd edilir.
Dekabr ayının 20 – də 2”E” sinfinin rəhbəri və şagirdləri Mehdi Hüseynzadəyənin keçdiyi qısa, lakin ləyaqətli ömür yoluna həsr edilmiş bir tədbir keçirdilər. Əvvəlcə şagirdlər qəhrəmanın həyatından bəhs edən videoçarx izlədilər, daha sonra isə onun şəninə yazılmış vətənpərvər mövzuda olan şeirlər ifa etdilər. Tədbirin təşkilatçısı Nəzakət müəllim Sovet İttifaqı Qəhrəmanı Mehdinin həyatından ən önəmli məqamları şagirdlərin diqqətinə çatdırdı.
Tədbirin sonunda şagirdlər tər qərənfilləri hörmət əlaməti olaraq qəhrəmanın məktəbin önündə ucaldılmış büstü qarşısına düzdülər.
