Yurdumuza Novruz gəlir
11 mart 2015-ci il tarixdə Nəsimi rayonundakı M.Hüseynzadə adına 19 nömrəli tam orta məktəbdə “Yurdumuza Novruz gəlir” adlı tədbir keçirilmişdir. Tədbiri giriş sözü ilə məktəbin direktoru açaraq gələn qonaqları təqdim etmiş, kollektivin bütün üzvlərini, şagirdləri, valideynləri Novruz Bayramının gəlişi münasibətilə təbrik etmişdir. Aparıcılar və şagirdlər insanların daxili ruhi oyanışına təsir edən, onun təbiət üzərində qələbələrini təsdiq edən bayramlardan biri olan Novruz bayramı haqqında seirlər söyləmişlər. Sonra şagirdlər xalqımızın Novruz Bayramı adətləri, çərşənbələr haqqında ingilis dilində də məlumat vermiş və seirlər söyləmişlər.Tədbir iştirakçılarını Kosa və Keçəl şən zarafatları ilə daha da əyləndirmiş, qonaqlarla yumurta döyüşdürmüşlər. İbtidai sinif şagirdlərinin müxtəlif janrlarda rəqsləri, göstərdikləri səhnəciklər də qonaqların xoşuna gəlmişdir.Sonda Akif Əliyev qonaqları səhnəyə dəvət etmiş, onlar da şagirdlərə öz ürək sözlərini, təbriklərini çatdırmışlar. Məktəbin direktoru tədbirin təşkilində əməyi olan bütün şagirdlərə, məktəbin müəllimləri Sitarə Mövsümova, Sevda Rəhimova və Təbəssüm Zamanovaya təşəkkür etmiş, həmin şagirdlərə tərifnamələr təqdim etmişdir. Tədbir şagirdlərin ifasında “Yallı” rəqsi ilə başa çatmışdır.
