ADPU-nun təcrübə keçən tələbələri yarış təşkil etdilər
19 aprel 2016-cı il tarixdə Nəsimi rayonundakı M.Hüseynzadə adına 19 nömrəli tam orta məktəbdə pedaqoji təcrübə keçən ADPU-nun coğrafiya fakültəsinin 301-ci qrup tələbələri 7-ci siniflər arasında bilik yarışı təşkil etmişlər. Şagirdləri yarışa təcrübəçi tələbələr Xəyalə Seyidova, Nərmin Vahabova, Zümrüd Quliyeva, Şahin Nadirzadə, Nurəddin Yüzbəyov, Nigar Quliyeva və Gülmirə Aslanlı hazırlamışdır. Yarışda 1-ci yeri Şahin Nadirzadənin hazırlaşdırdığı "Everest" komandası tutmuşdur. Yarışın sonunda məktəbin direktoru Akif Əliyev qaliblərə diplomlar təqdim edərək onları təbrik etmiş, təcrübəçi tələbələrə nailiyyətlər arzulamış, gələcək müəllimlik fəaliyyətlərində məktəbdə qazandıqları praktik bacarıqlardan yararlanacaqlarına ümid bəslədiyini söyləmiş, eləcə də ADPU-nun rəhbərliyinə təşəkkürünü bildirmişdir.
