186 №-li tam orta məktəb

10 şagirdimiz turnirdə mükafatlandırılıbAprelin 22-də Pirallahı rayonunda Yeni Azərbaycan Partiyası Pirallahı Rayon Təşkilatının və Koşiki-Karate federasiyasının birgə təşkilatçılığı ilə xalqımızın ümummilli lideri Heydər Əliyevin anadan olmasının 95 illik yubileyinə həsr olunmuş Koşiki Karate- do döyüş növü üzrə yarış turniri keçirilib. Turnirə respublika idman cəmiyyətlərindən 70-dək idmançı qatılıb. Turnidə məktəbimimizin şagirdləri də iştirak edib, uğurlu nəticə qazanıblar.XI sinif şagirdləri Həsənov Nurlan, Nəbiyev Elmar, III sinif şagirdləri Kələntərli Cihad, Heydərli İlkin , V sinif şagirdi Məlikov Eyvazxan turnirin ən yüksək pilləsinə, I yerə, X sinif şagirdi Hacıyev Elvin, VI sinif şagirdi İsmayılzadə Kənan, II sinif şagirdi Məmiyev Qasım II yerə , IV sinif şagirdi Muradov Amir, VI sinif şagirdi Fərəcov Yusif III yerə layiq görülüblər.

Şakir Mikayılov fəxri fərmanla təltif edilib17 aprel 2018-ci il tarixində Pirallahı rayonunda RİH başçısının 2018-ci ilin birinci rübünün sosial-iqtisadi inkişafının yekunlarına dair hesabat yığıncağı keçirilib. Hesabat yığıncağında rayonun idarə, müəssisə, təşkilatlarının təmsilçiləri və rayon ictimaiyyəti nümayəndələri iştirak edilbər. Sosial-iqtisadi və mədəni inkişafına öz töhfələrini vermiş, ictimai həyatında fərqlənmiş, keçirilən tədbirlərdə fəal iştirak etmiş bir qrup rayon sakinin Pirallahı Rayon İcra Hakimiyyəti tərəfindən mükafatlandırılıb.Mükafatlandırılanlar arasında məktəbimizin direktoru Şakir Mikayılov da olubdur.

“Ən yaxşı məktəb saytı” müsabiqəsinin qalibi olduq!Bakı Şəhəri üzrə Təhsil İdarəsində paytaxt məktəbləri arasında təşkil edilən “Ən yaxşı məktəb saytı” müsabiqəsi qaliblərinin mükafatlandırılma mərasimi keçirilib. Tədbirdə BŞTİ-nin müdiri Məhəbbət Vəliyeva, İdarənin struktur bölmə rəhbərləri, qalib məktəblərin direktorları və saytın idarə edilməsində məsul olan şəxslər iştirak edib.Pirallahı rayonu üzrə 186 nömrəli tam orta məktəb müsabiqənin qalibi olub.