FƏXRƏDDİN QURBANLI
11.01.2019-cu il tarixində Binəqədi rayonu 179 №-li tam orta məktəbdə aprel şəhidi, məktəbin məzunu Fəxrəddin Qurbanlının doğum gününə həsr olunmuş anım tədbiri keçirildi. Tədbirdə Binəqədi rayon İcra Hakimiyyətinin nümayəndəsi Elnur Məmmədov, Binəqədi rayon Gənclər və İdman İdarəsinin rəisi Elvin Aslanov, Binəqədi qəsəbə bələdiyyəsinin sədri Aytac Əliyeva, “Zəfər” şəhid ailələrinə dəstək ictimai birliyinin sədri, aprel şəhidi polkovnik Raquf Orucovun həyat yoldaşı Sevinc Alızadə, müxtəlif media qurumları, şəhidin döyüş dostları, yaxın qohumları və ailə üzvləri iştirak etdi. Tədbir dövlət himninin səsləndirilməsi ilə başladı. İlk olaraq məktəbin direktoru B.Novruzova çıxış etdi. Daha sonra şəhidin həyat yolunu əks etdirən videoçarx nümayiş olundu. Bədii hissə şagirdlərin hazırladıqları kompozisiyalarla davam etdi.
