179 №-Lİ TAM ORTA MƏKTƏB

 “Konstitusiya və Suverenlik İli" çərçivəsində məktəbin tarix müəllimi Leyli Eyvazovanın təşkilatçılığı və 5 "Q" sinif şagirdlərinin iştirakı ilə Azərbaycan Tarix Muzeyinə ekskursiya təşkil olundu. Məqsəd şagirdlərin tariximiz haqqında daha dərin bilikləri mənimsəməsi və dünya görüşlərinin artırılması idi. Muzey bələdçisi tərəfindən şagirdlərə muzeyin hər bir guşəsi haqqında əraflı məlumat verildi. Muzeyin yaranma tarixi, məqsədi, muzeyi təşkil edən otaqlar, yazılar və naxışlarla bəzədilmiş Şərq və Qərb üslublu zallar ətraflı şəkildə şagirdlərə təqdim olundu.

Ümumi təhsil müəssisələrinin IX-XI sinif şagirdlərinin iştirakı ilə keçirilən “Zəkaların mübarizəsi” olimpiadasının bilik yarışı kateqoriyasında Bakı şəhəri üzrə regional mərhələsi keçirilib.

Paytaxtdakı 133 nömrəli tam orta məktəbdə təşkil olunan tədbirdə Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin (MÜTDA) direktor müavini, Bakı Şəhəri üzrə Təhsil İdarəsinin müdiri vəzifəsini müvəqqəti icra edən Nərminə Hüseynova, Yasamal Rayon İcra Hakimiyyətinin (RİH) başçısının müavini Təravət Muradova, Təhsil İnstitutunun direktor müavini Fuad Qarayev, BŞTİ-nin struktur bölmə rəhbərləri, məktəb direktorları və “Zəkaların mübarizəsi” olimpiadasının regional mərhələsinə vəsiqə qazanan komandalar iştirak ediblər.

Tədbir Dövlət Himninin səsləndirilməsi, Vətən şəhidlərinin əziz xatirəsinin bir dəqiqəlik sükutla yad edilməsi ilə başlayıb.

Tədbirdə Nərminə Hüseynova Heydər Əliyev Fondu və Elm və Təhsil Nazirliyinin birgə əməkdaşlığı ilə reallaşdırılan olimpiadanın əsas məqsədinin fənlərin dərindən öyrənilməsinə marağın artırılması, onların dünyagörüşünün genişləndirilməsi, sağlam rəqabət mühitinin  yaradılması, şagirdlər arasında dostluq əlaqələrinin qurulması və ümumilikdə şagirdlərin öyrənməyə təşviq edilməsindən ibarət olduğunu xatırladıb.

 Regional mərhələdə iştirak edən komandalara uğurlar arzulayan N.Hüseynova bu cür olimpiadaların şagirdlərin  bilik və bacarıqlarını artırmaqla bərabər, həm də  onlarda təlim motivasiyasını yüksəldəcəyinə, özünəinam hissinin artırılmasına müsbət təsir göstərəcəyinə əminliyini ifadə edib.

Təhsil İnstitutunun direktor müavini Fuad Qarayev, Yasamal RİH başçısının müavini Təravət Muradova olimpiada və müsabiqələrdə istedadlı şagirdlərin üzə çıxarılmasının ölkəmizin gələcək yüksək savada malik kadr potensialının formalaşması baxımından önəmli rolunu vurğulayıb, bu cür bilik yarışlarının şagirdlərə yalnız elm deyil, həm də dünyagörüşü qazandırdığını bildiriblər.

Tədbir ədəbi-bədii kompozisiyalarla davam edib.

Daha sonra regional mərhələyə vəsiqə qazanmış 12 komanda riyaziyyat-məntiq, rəqəmsal texnologiyalar, təbiət elmləri, humanitar elmlər, mədəniyyət və incəsənət olmaqla 5 müxtəlif istiqamət üzrə 25 sualı cavablandırıblar.

 İlk 5 yeri tutan komandalar - Xəzər, Nəsimi, Yasamal, Xətai və Nərimanov komandaları olimpiadanın respublika mərhələsində iştirak hüququ qazanıb.

Qalib komandalara diplomlar təqdim olunub.

  Məktəbin təsviri- incəsənət müəllimi Günel Əliyevanın təşkilatçılığı ilə "Konstitusiya və Suverenlik" ilinə həsr olunan şagirdlərin əl işlırindən ibarət "Suveren Azərbaycan" adlı rəsm sərgisi nümayiş olunub.

 23 Aprel- Ümumdünya Kitab və Müəlliflik Hüququ Günü ilə əlaqədar kitabxana müdiri Kəmalə Salamova və kitabxanaçı İradə Əliyeva məktəb kitabxanasında sərgi və dəyirmi masa təşkil edib. Mütaliyəyə diqqətin artırılması məqsədi daşıyan tədbirdə Azərbaycan dili və ədəbiyyat müəllimi Nailə Nəbiyeva və şagirdlər iştirak ediblər. Tədbirdə bu günün tarixi haqqında məlumat verilib, mütaliə etməyin faydaları haqqında danışılıb. Şagirdlər kitaba aid aforizmlər,şeirlər söyləyib.

  Məktəbin Fəaliyyət Planına uyğun olaraq, 22.04.2025 tarixində 7 və 8 -ci siniflərdə təlim tərbiyə işləri üzrə direktor müavini Nəsirov Xalid və nəzarətçi müəllimlər tərəfindən məktəbdaxili monitorinq keçirildi. Monitorinq tədris dili, riyaziyyat və ingilis dili fənlərindən ,hər bir fənn üzrə 15 sual olmaqla ümumilikdə 45 sual şagirdlərə təqdim edildi.