179 №-Lİ TAM ORTA MƏKTƏB

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.

    Məktəbdə hər il 1 İyun – Uşaqların Beynəlxalq Müdafiəsi Günü münasibətilə silsilə tədbirlər təşkil olunur. Məktəbin ibtidai sinif müəllimi Zərifə İsmayılovanın 2 "C" sinfi ilə təşkil etdiyi tədbir Azərbaycan Respublikasının Dövlət Himninin səslənməsi ilə başlanıb. Daha sonra məktəb rəhbərliyi tədbir iştirakçılarını salamlayıb və "1 İyun-Uşaqların Beynəlxalq Müdafiəsi Günü"nün yaranma tarixi haqqında məlumat verib. O, çıxışında qeyd edib ki, XX əsrin 50-ci illərindən başlayaraq uşaqlara, onların hüquqlarının müdafiəsinə və problemlərinə xüsusi diqqət ayrılmışdır. Azərbaycanda uşaq  məsələlərinə dövlət  tərəfindən həmişə diqqət  yetirilir və prioritet istiqamət təşkil edir. Daha sonra şagirdlər öz çıxışları ilə bayram tədbirin daha rəngarəng keçirilməsi üçün şeirlər söyləyib, rəqs ediblər. Sonda bütün şagirdlər uşaqlara  həsr olunmuş "Uşaqların bayramı" mahnısını birlikdə ifa edərək, rəqs etməklə şənliyi sona yetiriblər.

    1 İyun –Uşaqların Beynəlxalq Müdafiə Günü məktəbdə bayram təntənəsilə qeyd olundu. Məktəbin ibtidai sinif müəlimlərinin təşkilatçılığı ilə hazırlanmış tədbirdə müxtəlif rəqslər, mahnılar, şeirlər ifa olundu. Məktəbin təlim- tərbiyə işləri üzrə direktor müavini Şəlalə Əkbərova şagirdləri təbrik etdi, onların sağlam və xoşbəxt böyümələrini, azad və müstəqil ölkəmizə layiq şəxsiyyət kimi yetişmələrini arzuladı.  

    30 may tarixdə coğrafiya fənni üzrə bilik yarışı keçirildi. Bilik yarışını məktəbin coğrafiya müəllimi Elvin Çərkəzov təşkil etmışdi. Yarışda bütün 6-cı sinifl şagirdləri iştirak etdi. Bilik yarışı mərhələlər üzrə aparıldı, maraqlı və düşündürücü suallar səsləndirildi. Yarış prosesi zamanı şagirdlərdə xüsusi fəallıq və sağlam rəqabət nəzərə çarpırdı. Sualları komanda rəhbərləri seçdi və birlikdə müzakirə edib cavab verdilər. Düzgün olmayan cavablar ücün digər komandalara vaxt verildi və cavabları yazılı şəkildə təqdim etdilər