MÜSTƏQİLLİYİMİZ ƏBƏDİDİR
Binəqədi rayonu Q.Baxşıyev adına 179 №-li tam orta məktəbin 3c sinif şagirdləri ( sinif rəhbəri Xəyalə Ələkbərova) Azərbaycanın Dövlət Müstəqilliyi gününə həsr olunmuş "Müstəqilliyimiz əbədidir" adlı tədbir keçirmişdir. Şagirdlər ilk öncə müstəqilliyimizin memarı,Ulu öndər Heydər Əliyevin məzarını ziyarət etmiş, Ulu öndərin abidəsi qarşısında şeirlər söyləmişlər. Daha sonra Şəhidlər Xiyabanını ziyarət edərək Milli Qəhrəman Çingiz Mustafayevin məzarına çiçəklər qoymuşlar. Tədbirin bədii hissəsi Dənizkənarı Milli Parkda keçirilmiş, şagirdlər müstəqillik gününə həsr olunmuş şeirlər söyləmiş, rəqslər nümayiş etdirmişlər. Sonda şagirdlər müstəqillik günü ilə bağlı onları maraqlandıran suallarla yerli sakinlərə və şəhərimizin qonaqlarına müraciət etmişlər.
