179 №-Lİ TAM ORTA MƏKTƏB

01.06.2018-ci il tarixində məktəbimizdə Cümhuriyyətimizin 100 ili ilə bağlı yekun tədbiri baş tutdu. Eyni zamanda bu tarixin həm də Uşaqların Beynəlxalq Müdafiəsi Günü olduğu üçün onların bu xoş gününü xüsusi qeyd edərək keçirilən tədbirdə balacaların sevincinə şərik olduq. Tədbir məktəbimizin “Şahinlər” komandasının Azərbaycan bayrağını təqdim etməsi səhnəsi ilə açıq elan edildi. Məmməd Əmin Rəsulzadənin məşhur kəlamlarının sədaları altınada səhnəyə Azərbaycan bayrağını gətirən balacalar “Cümhuriyyət” mahnısının müşayiəti ilə bayraq rəqsini təqdim etdilər.  İkiqat bayram tədbirimizdə şagirdıərin ifasında bir-birindən maraqlı şeir kompozisiyaları, rəngarəng rəqslər təqdim edildi, mahnılar səsləndi. Sazın müşayiəti ilə oxunan “Azərbaycan” mahnısı tamaşaçılar tərəfindən xüsusi maraqla qarşılandı. Sonda “Yürü Azərbaycan” mahnı kompozisiyasının sədaları altında səhnəyə Azərbaycan bayrağı ilə yanaşı müxtəlif ölkələrin bayraqları gətirildi. Direktor Almaz İsmayılova çıxış edərək Cümhuriyyətimizin 100 ili münasibəti ilə hər bir azərbaycanlını və 1 iyun Uşaqların Beynəlxalq Müdafiəsi Günü ilə əlaqədar olaraq balacaları təbrik etdi.