Akademik Zərifə Əliyevanın anadan olmasının 95-ci ildönümü
Bakı Şəhəri üzrə Təhsil İdarəsinin tabeliyindəki 179 nömrəli tam orta məktəbdə 28.04.2018-ci il tarixində görkəmli oftalmoloq alim, akademik Zərifə Əliyevanın anadan olmasının 95-ci ildönümü qeyd olunub. İlk dərs saatlarında müəllimlər akademik Zərifə Əliyevanın alim kimi qazandığı böyük uğurlarının Azərbaycanın tibb tarixində xüsusi bir mərhələ təşkil etdiyi barədə şagirlərə geniş məlumat verərək Z.Əliyevanın elmi fəaliyyətinin çox zəngin və əhatəli olduğunu, istedadlı alim kimi oftalmologiyanın aktual mövzularına həsr edilmiş çoxprofilli tədqiqatlar apardığını və dəyərli elmi-tədqiqat işləri yazdığını bildiriblər. Bundan əlavə oftalmoloqun əziz xatirəsinin tanınmış həkim, novator alim, eyni zamanda qayğıkeş ana, sədaqətli ömür-gün yoldaşı kimi daim qəlblərdə yaşayacağını qeyd ediblər.
Bununla yanaşı məktəbimizin rus və Azərbaycan bölmələri üzrə VI-XI siniflərində oftalmoloqun əziz xatirəsinə həsr edilmiş “Gözlərə və qəlblərə nur verən insan” adlı inşa-yazı müsabiqəsi keçirildi. Eyni zamanda iştedadlı şagirdlərimiz akademik Zərifə Əliyevanın anadan olmasının 95-ci ildönümü münasibəti ilə təşkil olunmuş rəsm müsabiqəsində öz bacarıqlarını nümayiş etdirdilər.
