Novruz gəlir
Elimizin gözəl bayramlarından olan Novruz bayramı ərəfəsindəyik. Yazın gəlişi ilə təbiət canlanır,torpaq isinir, bitkilər qış yuxusundan oyanır, novruzgülü qar altından günəşə doğru boylanır. Xalqımız bu bayramı çox həvəslə qeyd edir. Məktəbimizdə də bu bayram böyük sevinclə qarşılanan bayramlardan biridir. Bugün balaca şagirdlərimiz Novruzun gəlişini qeyd etdilər. Onların ifasında Novruzun əsas atributlarından olan Keçəl, Kosa, Bahar qızı, Qaranquş obrazları canlandırıldı.Milli rəqslərimiz və eyni zamanda digər ölkələrin rəqsləri də təqdim olundu.Tədbirdə yazın gəlişini əks etdirən şeirlər səsləndi, mahnılar oxundu.Doyunca əylənən uşaqlar şənlikdən həzz aldılar.
