Orda bir kənd var,uzaqda
23 fevral 2018 – ci il tarixində Xocalı soyqırımının 26-cı ildönümü ilə bağlı məktəbin kitabxanaçısı Salamova Kəmalə, Ana dili və ədəbiyyat müəllimi Məmmədova Nailənin birgə təşkilatçılığı ilə “Orda bir kənd var, uzaqda” adlı ədəbi-bədii tədbir keçirildi Tədbir qətlə yetirilmiş soydaşlarımızın xatirəsinin bir dəqiqəlik sükutla yad edilməsi ilə başladı. Aparıcılar qan yaddaşımızla bağlı ətraflı məlumatlar verdilər, faciənin səbəb və nəticələri haqqında çıxışlar etdilər. VIII sinif şagirdləri milli qəhrəman Əlif Hacıyevlə bağlı səhnəcik təqdim etdilər və o gecənin necə də dəhşətli olduğunu bir daha əks etdirən kompozisiyalar nümayiş etdirdilər. Tədbir boyu Xocalı soyqırımına həsr olunmuş film və videoçarxlar göstərildi və şeirlər söylənildi.Tədbirin sonunda məktəbin diirektoru A.M.İsmayılova çıxış edərək şagirdlərə vətənpərvər olmağı və tariximizi unutmamağı tövsiyyə etdi. Məktəb kitabxanasında Xocalı soyqırımından bəhs edən elmi və bədii kitabların sərgisi təqdim edildi.
Belə tədbirlərin keçirilməsində məqsəd şagirdlər arasında milli vətənpərvərlik ruhunu yüksəltmək və Xocalı soyqırımı haqqında həqiqətləri cəmiyyətə çatdırmaqdır.
