Qanlı yanvar, şanlı yanvar
Məktəbimizdə 20 Yanvar şəhidlərinin əziz xatirəsinə həsr edilmiş silsilə tədbirlər davam edir. İlk dərs saatları 20 Yanvar – Ümumxalq Hüzn Gününə həsr olundu, siniflərdə şəhidlərin ruhu yad edildi və söhbətlər aparıldı. Bununla yanaşı məktəbdə “Qanlı yanvar, şanlı yanvar” adlı ifadə və inşa – yazı təşkil olundu. Foyedə, “20 Yanvar şəhidlərinə həsr olunmuş slaydfilm nümayiş edildi. Tariximizin şanlı səhifəsi "20 Yanvar" şəhidlərinin xatirəsini yad etmək üçün məktəbin müəllim və şagird kollektivi Şəhidlər Xiyabanını bu gün də ziyarət etdilər və eyni zamanda məktəbimizin adını daşıdığı şəhid Qorxmaz Baxşıyevin məzarı ziyarət edildi. Dərnək rəhbəri Seyidova Pakizə müəllimənin təşkilatçılığı ilə VIII sinif rus bölməsində “Qanlı gecə” adlı səhnəcik təqdim olundu. Bununla yanaşı dərnək rəhbərləri Xələfova Nüşabə və Şaşıyeva Aidə müəllimənin rəhbərliyi ilə ibtidai sinif şagirdlərinin ifasında vətənpərvəlik mövzusunda şeir kompozisiyası təqdim olundu.
