Bir olaq, həmrəy olaq!
29 dekabr 2017 – ci il tarixində məktəbin dərnək rəhbərləri Məhərrəmova Afaq və Xələfova Nüşabənin rəhbərliyi altında III və IX sinf şagirdləri ilə “31 Dekabr - Dünya Azərbaycanlılarının Həmrəylik Günü”nə həsr edilmiş “Bir olaq, həmrəy olaq!” adlı tədbir keçirildi. Tədbirdə məktəb rəhbərliyi, müəllimlər və valideynlər iştirak etdilər. Dövlət himninin səslənməsi ilə başlanan tədbir balacaların həmrəylik günü haqqında ətraflı məlumat vermələri ilə davam etdi. “İslam həmrəyliyini” əks etdirən müxtəlif xalqların rəqs və mahnılarından nümunələr nümayiş etdirildi . Şagirdlər öz bacarıq və qabiliyyətlərini həmyaşıdları qarşısında mahnı, şeir, səhnəcik, rəngarəng rəqs nömrələri vasitəsilə nümayiş etdirərək tədbir iştirakçılarına böyük sevinc və təbəssüm bəxş etdilər. Həmrəylik gününə həsr olunmuş slaydlar, videoçarxlar nümayiş etdirildi. İbtidai siniflərin bayram münasibəti ilə çəkdikləri rəsimlər, hazırladıqları əl işləri gözəlliyi ilə bir-birindən fərqlənirdi və sərgi bütün şagirdlərin, müəllim kollektivinin marağına səbəb oldu.
