“Bayraqları bayraq yapan üstündəki qandır” inşa müsabiqəsinin qalibi
Azərbaycan Respublikası Prezidentinin 2017-ci il 15 sentyabr tarixli Sərəncamı ilə təsdiq edilmiş “Azərbaycan gəncliyi 2017-2021-ci illərdə” Dövlət Proqramının icrasına uyğun olaraq 09 Noyabr - “Azərbaycan Respublikasının Dövlət Bayrağı günü” münasibətilə Binəqədi Rayon İcra Hakimiyyətinin dəstəyi, Yeni Azərbaycan Partiyası Binəqədi Rayon Təşkilatı və Binəqədi rayon Gənclər və İdman İdarəsinin təşkilatçılığı ilə “Binəqədi Gənclər Evi” sosial xidmət müəssisəsində “Bayraqları bayraq yapan üstündəki qandır” mövzusunda inşa yazı müsabiqəsi keçirilmişdir. Binəqədi rayon Gənclər və İdman İdarəsinin rəis müavini Sevinc Süleymanova iştirakçıları müsabiqənin Əsasnaməsi ilə tanış edildikdən sonra müsabiqəyə start verilmişdir. Müsabiqənin nəticəsinə görə 11 - 14 yaş qrupu üzrə məktəbimizin 8 b sinif şagirdi Ətrabə Yüzbaşova III yerə layiq görülmüşdür. Bu münasibətlə məktəb kollektivi adından şagirdimizi təbrik edirik. Ətrabə, uğurlar!!!
