Olimpiada
31.10.2017-ci ildə məktəbimizdə Bakı şəhəri məktəbliləri arasında istedadlı şagirdlərin aşkar edilməsi, şagirdlərin fənlərə olan marağının artırılması, şagirdlərin öz bilik və bacarıqlarının nümayiş etdirmələrinə imkanın, onlar arasında sağlam rəqabət və yarış mühitinin yaradılması və onlarla gələcəkdə məqsədyönlü layihələrin həyata keçirilməsi məqsədi ilə fənn müsabiqələrinin məktəbdaxili mərhələsi keçirildi. Müsabiqə VI siniflərdə riyaziyyat, VII siniflərdə informatika, kimya, biologiya, fizika fənləri üzrə keçirildi. Müsabiqənin ilkin mərhələsində şagirdlərə fənlər üzrə müsabiqə tarixinədək keçdikləri məktəb proqramına uyğun tapşırıqlarla yanaşı məntiqi təfəkkürü, analiz qabiliyyətini və qeyri-standart düşünməni tələb edən suallar təqdim edildi. VI sinif şagirdləri Məmmədov İbrahim, Ramazanov Famil və Hüseynov Hüseyn riyaziyyatdan, VII sinif şagirdləri Musayeva Arzu, Əliyev Manaf kimyadan, Mədətova Saibə, Əzimova Aysel biologiyadan, Quluzadə Nəzər, Alxasova Günel fizikadan fərqləndilər.Növbəti mərhələyə keçid alan şagirdlərimizə uğurlar arzulayırıq.
