11-ci Azərbaycan Beynəlxalq Təhsil “Education 2017” sərgisi
7 oktyabr tarixində bir qrup şagirdimiz Bakı Ekspo Mərkəzində keçirilən 11-ci Azərbaycan Beynəlxalq Təhsil “Education 2017” sərgisində iştirak etdilər. Sərgi çərçivəsində ziyarətçilərə bakalavr, magistratura, o cümlədən xarici dil kursları, təcrübə və treninqlər üzrə proqramlar təqdim olunurdu. Ötən illərlə mūqayisədə Təhsil Nazirliyinin stendləri bu il daha geniş sahələri əhatə etmişdi. Təhsil sərgisi "İnsan kapitalı sərvətimizdir" devizi altında təşkil edilmişdi. İstər bakalavr dərəcəsi almaq istəyənlər ,istərsə də karyera qurmaq istəyənlər ūçūn maraqlı idi. Sərgi iştirakçılarına “SABAH qrupları”, “Azərbaycan üçün öyrət”, “Bir” Tələbə-Könüllü Proqramı”, “Maarifçi” Tələbə Kredit Fondu”, “Sağlam təhsil ̶ sağlam millət”, “Məktəblinin dostu”, “Modul tipli məktəblər”, “Olimpiadalara hazırlıq mərkəzi”, “Təhsildə informasiya və kommunikasiya texnologiyaları”, “Məktəbəhazırlıq”, “Kitabxana”, “Təhsil” Respublika İdman Mərkəzi”, “İçərişəhər ənənəvi incəsənət mərkəzi”, “Peşə Təhsili üzrə Dövlət Agentliyi” və “Uşaq-Gənclər İnkişaf Mərkəzi” stendləri təqdim edilir. Şagirdlərimiz sərgidə aparıcı ali təhsil müəssisələrinin nümayəndələri ilə şəxsən ünsiyyət quraraq qəbul prosesinin ilk addımları, qəbula ən yaxşı şəkildə hazırlaşma, sənəd qəbulunun müddətləri, təhsil haqqı və yaşayış yerləri kimi məsələlər barədə onları maraqlandıran suallara cavab tapdılar, eləcə də ali təhsil müəssisələrinin reytinq və ixtisaslaşmalarını, habelə digər məsələləri öyrənmək imkanı qazandılar.Bizə bu şəraiti yaratdığınıza görə Sizə təşəkkür edirik!
