5 Oktyabr "Müəllim günü"dür
Azərbaycanda "Müəllim günü"nün kütləvi şəkildə qeyd olunmasının xüsusi bir tarixçəsi var. Məhz Azərbaycan müstəqillik əldə etdikdən sonra bu peşə bayramı hər il 5 oktyabrda ölkə ictimaiyyəti tərəfindən qeyd olunur. Həmin bayram günü şagirdlər və tələbələr öz sevimli müəllimlərini təbrik edirlər. Məktəbimizdə də bu bayram münasibəti ilə dərnək rəhbəri Məhərrəmova Afaq və Xələfova Nüşabə müəllimənin təşkilatçılığı ilə bayram tədbiri keçirildi. Müəllimlərə həsr olunmuş videofilm ilə başlanan tədbirdə şagirdlərin təqdimatında şeirlər, mahnılar, rəqslər təqdim olundu, müəllimlərin ünvanına təbriklər səsləndi. Sonda məktəbimizin direktoru Almaz xanım İsmayılova bu gün münasibətilə müəllimlərimizi təbrik etdi. Bununla yanaşı şagirdlər bayram münasibəti ilə hazırladıqları divar qəzetlərində sevimli müəllimlərinə ən xoş arzularını bildirdilər.
