Uşaqların Beynəlxalq Müdafiə Günü
1 iyun 2017-ci il tarixdə “Uşaqların Beynəlxalq Müdafiə Günü”nə həsr olunmuş “Dünya bizim evimizdir” adlı tədbir keçirildi. Kitabxanaçı Salamova Kəmalə, ana dili və ədəbiyyat müəllimi Tağıyeva Zabitənin təşkilatçılığı ilə hazırlanmış tədbirdə 1c, 2r, 6r və 7r sinif şagirdləri kuklaların təqdimatında müxtəlif şeirlər, mahnılar və rəqslərlə şagirdləri təbrik etdilər. “Pontomim” qrupunun təqdim etdiyi “Çiçəklər”, Oktay Zülfüqarovun “Balaca sənətkarlar” mahnısı əsasında səhnələşdirilmiş kompozisiya isə tamaşaçıların sürəkli alqışları ilə qarşılandı. Birincilərin təqdim etdikləri rəngarəng kompozisiyalar, rəqslər, maraqlı oyun və səhnəciklərlə həm əyləndilər, həm də onları izləyən məktəb kollektivinə, valideynlərə xoş əhval bəxş etdilər. Bayram tədbiri məktəbin həyətində təsviri incəsənət müəllimi Hümbətova Vüsalənin təşkil etdiyi “Asfalt üzərində rəsm” adlı müsabiqə ilə başa çatdı.
