Qorxmaz Baxşıyevin anım günü
23 may 2017-ci ildə Q.Baxşıyev adına 179 №-li tam orta məktəbin və Xocalı Soyqırımını Tanıtma İctimai Birliyinin birgə təşkilatçılığı ilə şəhid Qorxmaz Baxşıyevin xatirəsinə həsr edilmiş tədbir keçirildi. Tədbirdə Xocalı Soyqırımını Tanıtma İctimai Birliyinin sədri Şamil Sabiroğlu, Binəqədi İcra Hakimiyyətinin ictimai-siyasi şöbəsinin müdir müavini Rauf Həsənov, Milli Məclisin Analitik informasiya şöbəsinin müdir müavini-şəhidin cəbhə yoldaşı Cabbarlı Hətəm, Qubadlı rayonundan məcburi köçkün-şəhidin döyüş yoldaşı, komandir, şəhid Həsənqulu Qasımovun qardaşı Gəray Qasımov iştirak etdilər. Şagirdlər məktəbimizin rus dili müəllimi-şəhidin qızı Tağıyeva Zabitənin atası ilə bağlı xatirələri əsasında yazdığı ssenarini səhnələşdirdilər. Direktor Almaz İsmayılova vətənin müqəddəsliyi, onun uğrunda canından keçən qəhrəman vətən oğulları haqqında çıxış etdi, şəhidin silahdaşları və qızı Zabitə Tağıyeva qəhrəmanla bağlı öz xatirələrini bölüşdülər.
