20 Yanvar Faciəsinə həsr olunmuş dəyirmi masa
16 yanvar 2024-cü il tarixində 20 Yanvar Faciəsinin 35-ci ildönümü ilə bağlı məktəbin tarix müəllimi Familə Abdullayevanın təşkilatçılığı və 7 “F” və 8"A" sinif şagirdlərinin iştirakı ilə “20 Yanvar faciəsinin Azərbaycan xalqının milli azadlıq hərəkatında yeri və rolu” mövzusunda dəyirmi masa keçirildi. Öncə Azərbaycan xalqının müstəqilliyi uğrunda həlak olmuş şəhidlərin əziz xatirəsi bir dəqiqəlik sükutla yad edildi. Familə müəllim məruzə ilə çıxış etdi. Bildirdi ki, Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən 35 il keçir. Keçmiş sovet dövlətinin hərb maşınının həmin gün Azərbaycan xalqına qarşı həyata keçirdiyi vəhşi terror aktı insanlığa qarşı törədilmiş ən ağır cinayətlərdən biri kimi bəşər tarixində qara səhifə olaraq qalacaqdır. Daha sonra şagirdlərin məruzələri dinlənildi və 20 Yanvara aid şeirlər səsləndirildi. Tədbirdə 20 Yanvar faciəsini əks etdirən slaydlar nümayiş olundu.
