Şəhid Fəxrəddin Qurbanlının anadan olmasının 31- ci ildönümü
13 yanvar tarixində məktəbin akt zalında Fəxrəddin Qurbanlının anadan olmasının 31- ildönümünə həsr olunan Bilik yarışı keçirildi. "Poeziya yarpaqları" ədəbiyyat dərnəyinin rəhbəri Pakizə Seyidova və tarix müəllimi Fəridə Rüstəmlinin təşkilatçılığı ilə keçirilən yarış Azərbaycan Respublikası Dövlət Himni ilə açıq elan edildi. Bütün şəhidlərin xatirəsi bir dəqiqəlik sükutla yad edildi. Yarışda IX, X, XI sinif şagirdlərindən ibarət "Mübariz", "Xarı bülbül", "Dəmir Yumruq" və "Zəfər" komandaları iştirak edirdi. Sonda qalib olan "Zəfər" komandası məktəb rəhbərliyi tərəfindən Bilik Kuboku, digər komandalar isə diplom və təşəkkürnamə ilə təltif olundular.
