8 Noyabr Zəfər Gününə həsr olunmuş tədbir
Q. Baxşıyev adına 179 nömrəli tam orta məktəbin Azərbaycan dili və ədəbiyyat müəllimi Nailə Nəbiyevanın təşkilatçılığı və 8 "Ç" sinfinin iştirakı ilə Zəfər Gününə həsr edilmiş tədbir keçirildi. Tədbirdə məktəb rəhbərliyi, müəllimlər, şagirdlər, valideynlər, eyni zamanda şəhid ailələri üzvləri iştirak etdilər. Şəhidlərin əziz xatirəsi bir dəqiqəlik sükutla yad edildikdən sonra məktəbin direktoru Həqiqət Bayramova çıxış edərək Sentyabrın 27 - dən başlayan, 44 gün davam edən və işğal altındakı ərazilərimizin qaytarılması ilə nəticələnən Vətən Müharibəsinin tariximizin ən parlaq səhifəsinə çevrilməsindən bəhs edərək dünya azərbaycanlılarının Zəfər bayramını təbrik etdi. Şəhid Fəxrəddin Qurbanlının anası çıxış edərək şəhidin keçdiyi döyüş yolundan söhbət açdı və tədbir iştirakçılarına uğurlar arzuladı. Daha sonra Zəfərə həsr olunmuş kompozisiyalar, şeirlər, mahnılar, rəqslər təqdim olundu.
