"Bilik Günü"
Məktəbdə 16 sentyabr 2024-cü il tarixində ilk dərs günü -"Bilik günü" ilə bağlı keçirilən rəsmi tədbirdə məktəb rəhbərliyi, Şəhid ailələri, müəllimlər, valideynlər və şagirdlər iştirak ediblər. Tədbir Azərbaycanın Dövlət Himninin səsləndirilməsi və Vətən şəhidlərinin əziz xatirəsinin bir dəqiqəlik sükutla yad edilməsi ilə başlayıb. Məktəb rəhbəri Həqiqət Bayramova tədbir iştirakçılarını salamlayaraq yeni tədris ilində uğurlar arzulayıb və şagirdlərə dərslərinə məsuliyyətlə yanaşmağı tövsiyə edib. Daha sonra şagirdlərin ifasında vətənpərvərlik şeirləri səslənib. Qeyd edək ki, ilk dərs "Yaşıl dünya naminə həmrəylik" mövzusuna həsr olunub.
