Qorxmaz Baxşıyevin anım günü
17 may 2024-cü il tarixiində məktəbin Azərbaycan dili və Ədəbiyyat müəllimi Şəhla İbrahimovanın təşkilatçılığı ilə şəhid Qorxmaz Baxşıyevin xatirəsinə həsr edilmiş tədbir keçirildi. Tədbirdə şəhidin həyat yoldaşı Gülnaz Baxşıyeva, qızı Zabitə Tağıyeva, nəvələri polkovnik-leytenant Vaqif Yunusov və II Vətən müharibəsi iştirakçısı Toğrul Tağıyev iştirak etdilər. Əvvəlcə Dövlət Himni səsləndirildi, şəhidlərin xatirəsi bir dəqiqəlik sükutla yad edildi. Daha sonra şagirdlərin ifasında vətənə, şəhidlərə həsr olunmuş şeir nümunələri dinlənildi, ədəbi- bədii kompozisiya nümayiş olundu. Şəhidin nəvəsi Vaqif Yunusov və qızı Zabitə Tağıyeva qəhrəmanla bağlı öz xatirələrini bölüşdülər. Tədbir məktəbin təlim- tərbiyə işləri üzrə direktor müavini Xalidə Xanalıyevanın vətənin azadlığı uğrunda canını qurban vermiş şəhid oğullarınn vətənpərvərliyi və igidliyindən bəhs edən çıxışı ilə yekunlaşdı.
