Aprel şəhidi Fəxrəddin Qurbanlının doğum günü qeyd edildi.
12. 01. 2024- cü il tarixdə Q.Baxşıyev adına 179 nömrəli tam orta məktəbin məzunu Aprel döyüşləri zamanı qəhrəmancasına şəhid olmuş Fəxrəddin Qubanlının anadan olmasının 30 illiyinə həsr edilmiş "Cənnətdən qonağımız var" adlı tədbir keçirilib. Tədbir məktəbin "Poeziya yarpaqları" ədəbiyyat dərnəyinin rəhbəri Pakizə Seyidova və İngilis dili müəllimi Mehparə Əmrahova tərəfindən təşkil olunub. Əvvəlcə şəhidin məzarı üzərində onun əziz xatirəsi anılıb. Sonra tədbir məktəbdə davam etdirilib.Tədbirdə Binəqədi Rayon İcra Hakimiyyəti nümayəndəsi Qadir Məmmədov, Binəqədi qəsəbə bələdiyyəsinin nümayəndəsi Rəşad İsayev, Azərbaycan Universitetinin müəllimləri sosial işin təşkili kafedrasının müdiri Nigar Şahhüseynova və ictimaiyyətlə əlaqələr şöbəsinin müdiri Lalə Dilənova, məktəbin qazi məzunu Xocavənd, Cəbrayıl, Laçın, Şuşa uğrunda "Cəsur döyüşçü" medalı ilə təltif olunmuş "Gənc Qazilər" ictimai birliyinin Binəqədi filialının sədri Yusif Niyazlı, vaxtilə şəhidin sinif rəhbəri olmuş Sevinc Cabbarova, Aprel döyüşlərinin qəhrəmanları, şəhidlərimizin ailələri iştirak ediblər. Əvvəlcə Şəhidlərimizin ruhu bir dəqiqəlik sükutla yad edilib. Daha sonra şagirdlərin ifasında vətənə, şəhidlərə həsr olunan şeir nümunələri dinlənilib. Aprel şəhidlərinə həsr olunmuş ədəbi- bədii kompozisiya nümayiş olunub. Sonda Məktəbin direktoru Həqiqət Bayramova çıxış edərək Aprel döyüşlərinin Azərbaycan Ordusunun yüksək vətənpərərlik ruhunu əks etdirdiyini bildirib.
