"Fövqəladə hallarda özünü necə aparmalı" mövzusunda maarifləndirmə tədbiri
01.12.2023- cü il tarixində məktəbin hərbi müəllimi Sənan Məmmədov “Fövqəladə hallarda özünü necə aparmalı?” mövzusunda maarifləndirmə tədbiri keçirib. “Fövqəladə halların təsnifatı”, “Kollektiv mühafizə qurğuları”, “Təbii fövqəladə hallar zamanı nə etməli?”, “Yanğın-partlayış və nəqliyyat qəzası zamanı nə etməli?”, “Terror xarakterli fövqəladə hallar zamanı nə etməli?” mövzularında videoçarx nümayiş olunub. Daha sonra fövqəladə hallar, onların təsnifatı, xüsusiyyətləri, fövqəladə hal baş verdikdə insanların davranışı, fərdi mühafizə vasitələrindən istifadə qaydaları, məişətdə qaz cihazlarından istifadə edərkən təhlükəsizliyin təmin olunması, sel və daşqınlar, yol qəzaları, partlayışlar və s. barədə şagirdlərə ətraflı məlumatlar verilib və onları maraqlandıran suallar cavablandırılıb.
