15 sentyabr "Bilik günü"
Məktəbdə 15 sentyabr 2023-cü il tarixində ilk dərs günü -"Bilik günü" ilə bağlı keçirilən rəsmi tədbirdə Elm və Təhsil Nazirliyinin tikinti və təchizat idarəsinin ümumi təhsil şöbəsinin müdiri Tural Hətəmxanov, Şəhid ailələri, müəllimlər, valideynlər və şagirdlər iştirak ediblər. Tədbir Azərbaycanın Dövlət Himninin səsləndirilməsi və Vətən şəhidlərinin əziz xatirəsinin bir dəqiqəlik sükutla yad edilməsi ilə başlayıb. Məktəbin təlim- tərbiyə işləri üzrə direktor müavini Şəlalə Əkbərova tədbir iştirakçılarını salamlayaraq yeni tədris ilində uğurlar arzulayıb və şagirdlərə dərslərinə məsuliyyətlə yanaşmağı, yeni biliklərə yiyələnmək üçün səy göstərməyi tövsiyə edib. Qəhrəman şəhidimiz Fəxrəddin Qurbanlının atası Seyfəddin Qurbanlı çıxış edərək şagirdlərə öz arzularını bildirib, həmçinin bu il ilk dəfə məktəbə qədəm qoyan birincilərə təhsillərində uğurlar arzulayıb. Daha sonra şagirdlərin ifasında vətənpərvərlik şeirləri səslənib. Qeyd edək ki, ilk dərs "Heydər Əliyev Azərbaycanın xilaskarı və qurucusudur" mövzusuna həsr olunub. Məqsəd vətənpərvərlik, müasir azərbaycançılıq ideologiyasının genişləndirilməsidir.
