Qorxmaz Baxşıyevin anım günü
18 may 2023-cü ildə məktəbin Azərbaycan dili və Ədəbiyyat müəllimi Şəhla İbrahimovanın və "Poeziya yarpaqları" ədəbiyyat dərnəyinin birgə təşkilatçılığı ilə şəhid Qorxmaz Baxşıyevin xatirəsinə həsr edilmiş tədbir keçirildi. Tədbirdə şəhidin qızı Zabitə Tağıyeva, nəvələri polkovnik-leytenant Vaqif Yunusov və II Vətən müharibəsi iştirakçısı Toğrul Tağıyev iştirak etdilər. Bakı Şəhəri üzrə Təhsil İdarəsinin Ümumi təhsil sektorunun böyük məsləhətçisi, 179 nömrəli tam orta məktəbin direktor səlahiyyətlərini müvəqqəti icra edən Tural Hətəmov vətənin müqədəsliyi, onun uğrunda canından keçən qəhrəman vətən oğulları haqqında çıxış etdi. Daha sonra şagirdlərin ifasında vətənə, şəhidlərə həsr olunmuş şeir nümunələri dinlənildi və əbədi-bədii kompozisiya nümayış olundu. Sonda şəhidin nəvəsi Vaqif Yunusov və qızı Zabitə Tağıyeva qəhrəmanla bağlı öz xatirələrini bölüşdülər.
