"Ailəm və məktəbim" layihəsi davam edir
11.05.2023-cü il tarixində "Ailəm və məktəbin" layihəsi çərçivəsində məktəbin kitabxana müdiri K. Salamovanın və kitabxanaçı İ.Əliyevanın təşkilatçılığı ilə M. İbrahimbəyovun "Yaxşılıqların əvəzində ölüm" əsərinin müzakirəsi keçirildi. Müzakirədə VI sinif şagirdləri, valideynlər, Azərbaycan dili və ədəbiyyat müəllimləri Nailə Nəbiyeva və Könül Söhbətova fəal iştirak etdilər. Şagirdlər oxuduqları bədii əsərdən nümunələr söylədilər, müəllimlər və valideynlər şagirdlərin çıxışlarını diqqətlə dinləyərək öz fikirlərini bildirdilər. Müzakirənin sonunda yekun söz ondan ibarət oldu ki, valideyn tərbiyəsində, pedaqoji təlim-tərbiyə prosesində kitab, mütaliə əvəzsiz rol oynayır.
